Мақалада жаһандану процесінің тез жүзеге асуына байланысты “Сыңсу” ғұрпының трансформациялануы, өзгеріске ұшырауы анықталды. Ғылыми зерттеудің мақсаты – ұзатылған қыздың отбасы, бауырлары, ел-жұрты, ағайын-туысымен қоштасуын талдау. Сондай-ақ, негізгі бағыттары мен идеялары ретінде – қыздың ішкі жан тебіренісі, сезімі, көңіл-күйін саралау. Зерттеу әдістемесі ретінде поэтикалық паралелизм қолданылды. Сонымен бірге типологиялық ұқсастықтар мен айырмашылықтар қысқаша сипатталды. Ғылыми мақаланың негізгі нәтижелеріне әлеуметтік желі, ғаламтордың дамуы негізгі себеп болып қарастырылды. ХІХ-ХХ ғасырдағы “Сыңсу” өлеңдерімен бүгінгі қоғамдық санадағы көрінісіне талдаулар жасалды. Бұрын ұзатылған қыз өз сыңсуын өзі орындаған. Ал қазіргі таңда “Сыңсу” айтушы арнайы “асаба” немесе “той жүргізушісі” пайда болған. Бұл – ХХІ ғасырдағы “Сыңсу” ғұрпының трансформациялануының айқын дәлелі. Зерттеу барысында аталған ой-пікірлер әдебибет, фольклор, этнографиялық тұрғыда, аналитикалық бағытта талқыланып, сараланып, қорытындыланады.