Мақалада қазақ әдебиетінің маңызды бөлігі – балалар әдебиеті жайлы сөз қозғалады. Балалар әдебиетінің дамып жатқандығын, арнайы баспалардың бой көтеріп жатқандығын көрсету мақсатында мемлекет тарапынан жасалған шаралар атап өтіліп, тәуелсіз «Tentek», «Steppe World & Publishing», «Фолиант», «Мазмұндама» сынды баспалардың жұмысы таныстырылады. Ш.Ахметовтың «Қазақ балалар әдебиеті тарихының очеркі» еңбегінде көрсетілген балалар әдебиетіне қойылатын талаптар басты назарға алынып, баспагерлердің ойларымен, баспалардың жұмыстарымен байланыста қарастырылады. Жалпы Қазақстандағы баспа ісі, оның ішінде балалар әдебиетін жарыққа шығаратын баспалардың дамуына кедергі келтіретін бірнеше факторлар баспагерлердің кӛзқарасы тұрғысында талданады. Кітап сөрелеріндегі балалар әдебиетін көбейту жолдары, баспагерлік орта мен бәсекеге қабілетті жас редакторлар мен корректорлардың біліктілігін арттыру, қоғамның оқу мәдениетін қалыптастыру сынды тұстар қарастырылады.