Мақалада тілді дамытудағы, өскелең ұрпақ арасында рухани және моральдік құндылықтарды қалыптастырушы әлеуметтік құбылыс ретіндеқарастырылады. Жарнама мәтіндер арқылы мемлекеттік тілдің даму мәселесі ашылады. Жарнама мәтіндеріндегі сөздердің және сөйлемдердің қарапайым адамдармен сөйлесу барысында көрініс табуы, және осы арқылы жарнама мәтіндерінің тілдің дамуына және оның өзгеруіне әсері көрсетіледі. “Жарнама туралы” заңның қабылдануымен қазақ тілінің теледидар, радио арқылы жариялану, билбордтарда және хабарландыруларда мемлекеттік тілі ретінде кеңінен жарнама саласында қолданысқа енуі көрсетілді. Жарнама өзінің мазмұнында эстетикалық және мәдени құндылықтарға ие болады, сонымен қатар ол тілдің қаншалықты қолданылысқа түсіп отырғанының калькасы болады. Жарнама жаңа сөздердің тұрмыста қолданысқа енуіне, өміршеңдігінің көрсеткіші. Лингвист ғалымдар қазақ тілінде құрастырылған жарнама мәтіндерінде бүгінгі күнде де лексикалық, фонетикалық, грамматикалық және синтаксистік қателердің көптігін аңғартады. С.Асанбаева, Г.Солтанбекова, Т.Тілегенов, М.Қойшығулов, Д.Қожамбетов, С.Асылбеков соның нәтижесінде “жарымжан жарнама”, басқаша айтқанда толыққанды емес жарнама түсінігі пайда болды деп зар қағуда.