Абайдың 50 жылғы саналы ғұмыр жолын танытатын “Абай жолы” романында  ұлттық идея мен ұлттық мүддені, ұлттық талғам-түсінік пен ұлттық психологияны тереңнен тартып, өмір шындығы мен көркем шындық  тиянақты тұжырым табады. Осы арқылы шығармада Хакім Абайдың кесек тұлғасы сомдалады. Көркем концепт ұлттық болмыстың өзіндік ерекшелігімен айқындалады. М.Әуезов қолданған әдеби сөз қолданысы халқымыздың бай тілдік қазынасын көрсетеді. “Абай жолы” роман-эпопеясынан қазақ халқының күнелту салты мен әдет-дағдысына қатысты концептілердің барлық түрін кездестіруге болады. Мысалы, некеқияр, ұрын бару, ас өткізу, қонақасы беру т.б.  сияқты  салт-дәстүр түрлері мен  саятшылық пен аң аулау кәсібінің көптеген түрлері романда кеңінен сөз болады. Мақалада ұрын бару концептісі ұлттымыздың ежелден келе жатқан салт-дәстүрі екендігі туралы айтылып, ғылыми түрде тұжырымдалады.