Мақалада ұлттық код мәселелері сөз етіледі. Көркем әдебиет арқылы оқырманға жаңа әлем, қым-қиғаш сюжеттер, ерекше образдар ашылатыны анық. Біз басты назарды этнографиялық сипатқа ие символдарға аударамыз. Сонымен қатар, 2020 жылғы Қазақстан Республикасының Абай атындағы әдебиет пен өнер саласындағы Мемлекеттік сыйлығының лауреаты, Қазақстан Жазушылар одағының мүшесі, ТМД және Балтық елдері кинематографистер одағының мүшесі, тәуелсіз “Тарлан” сыйлығының иегері, ақын, жазушы, аудармашы, сценарист, баспагер, кинорежиссер, көсемсөзші, кинодраматург Бақытжан Қанапияновтың “Жалғыш ағаш”, “Бақшасарай”, “Балбал”, “Құм сағаты”, “Қарға” секілді шағын әңгімелерін (миниатюралар) ұлттық код тұрғысынан саралаймыз. Көркем мәтіндегі әрқилы нышандарға анықтама бере кеткен орынды. Елімізде бұл аз зерттелген бағыт болғанымен де, соның негізінде бүгінгі мәдени үрдісті терең түйсіне, түсіне аламыз