Бұл мақалада кіші жастағы балаларға ертегілердің көмегімен ағылшын тілін оқыту әдісі қарастырылады. Шет тілін оқыту кезінде ертегіні қолдану балалардың жас ерекшеліктеріне сәйкес келеді, ол баланың жадысын, ойлауын, назарын және қиялын дамытуға көмектеседі. Мақалада әр түрлі психолог-педагогтердің тәжірибесі мен қорытындылары ұсынылған, тіл .үйренушілердің түрлі ұстанымдары қарастырылған. Кіші жастағы балалар жақсы қабылдайтын әр түрлі ертегілер, әндер ұсынылған. Мақалада оқытудың бұл әдісі толық зерттелмеген, бірақ бала кезінен шет тілін үйренетін балалар арасында оң нәтижелер бар. Сондай-ақ, шет тіліндегі сөздер ертегі оқу және ән үйрену арқылы ғана емес, сонымен қатар балалар түрлі-түсті жарнаманы, мультфильмдерді және т. б. көріп, естігенде есте қалуы мүмкін.