Мақалада мұғалімнің іс-әрекетті зерттеуі бойынша жүргізілген жұмыстарының әдіс-тәсілдері мен оның нәтижесі туралы айтылады. Сабақ барысында іс-әрекетті зерттеуге түрткі болған мәселенің пайда болуы, оны анықтау, шешу жолдарымен жүргізілген жұмыстар жайлы мәлімет беріледі. Мәселені анықтау үшін жүргізілген сауалнаманың нәтижесі көрсетіледі, зерттеу үшін әдебиеттерге шолу жасай отырып, зерделенеді.

Қалыптасқан жағдайды қалай өзгертуге болады? Сынып көрсеткішінің ілгерілеуінде қандай кедергілер бар? Осы сияқты басқа да сұрақтарға жауап беріледі. Таңдалған әдіс-тәсілдердің туындаған мәселені қаншалықты шешуге ықпал ететіні талданады. Іс-әрекетті зерттеу сабақ барысында қалай көрініс тапқаны туралы айтылады.

Оқушылардың өз бетінше жұмыс істеу мен зерттеушілік қабілетін дамытуға бағытталған біршама істер атқарылды. Зерттеп оқуды қолдану арқылы сыни мақала жазуға бағытталған сабақтар сыныптың ерекшелігін ескере отырып жоспарланғандықтан, оң нәтижесін берді. Зерттеп оқудың оқушылардың зерттеушілік қабілетін дамыту мен сыни мақала жазу дағдысын қалыптастырудың оңтайлы әдісі екенін осы мақаладан көре аламыз.