Мақалада қазақ және өзбек тілдеріне ортақ сөздердің лексикалық мағынасын салыстыра зерттеуді мақсат етеді. Латын тіліне көшу үдерісі қарсаңында туыстас тілдерді салыстыра зерттеудің ғылыми– әдістемелік негіздерін анықтау өзекті болмақ. Көршілес қазақ –өзбек тілдеріндегі лексикалық бірліктердің табиғаты, жазылу сипаты, лексика–грамматикалық ерекшеліктері ауызша және жазба тілдегі қолданысын салыстыра зерттеу мәселесі маңызды. Бұл жұмыста лексикалық бірліктерді талдау тек жекелеген категорияларды, топтарды сипаттаумен шектелмей, сонымен қатар сөздің мағыналық құрылымына, лексикалық мағыналардың өзгеру себептері мен заңдылықтарына назар аудару қажеттілігі көрсетіледі. Қазақ –өзбек тілдеріндегі лексикалық бірліктерді салыстыра зерттеудің ғылыми –теориялық негіздерін және әдіс –тәсілдерін анықтау туыстас тілдердің тарихи тамырын зерделеуге, лексикалық бірліктердегі ұқсастықтарды анықтауға, лексикалық бірліктердің қазіргі қолданысындағы дыбыстық және грамматикалық ерекшеліктерді талдауға, туыс тілдерді салыстыра оқытудың ғылыми әдістемелік негіздерін айқындауға басымдылық беріледі. Мақала тақырыбын ашуда баяндау, сипаттау, салыстыру, жүйелеу, талдау, қорыту, тұжырым жасау әдістері қолданылады.