Мақалада Action Research әдісі арқылы оқушылардың қазақ тілінде жазу дағдыларын дамытудың ғылыми-әдістемелік негіздері қарастырылған. Action Research әдісін  оқу процесінде қолдану оқушыларға жоспарлау, әрекет, бақылау және түсіну кезеңдерін қамту арқылы рефлексия, талдау және жетілдіру процесіне белсенді араласуға мүмкіндік береді. Бұл процесс оқудағы рефлексиялық ойлау мен оқушылардың өз-өзін дамытуға ықпал етеді. Action Research әдісі шет тілдерін меңгеру және оқыту процесінде жиі қолданылатынын ескерген жөн. Зерттеу жұмысының мақсаты - Action Research әдісін қазақ тілін оқыту кезінде қолдану арқылы, оқушылардың жазу дағдылары мен білім сапасын арттыру. Бұл әдіс академиялық сауаттылық пен сыни тұрғыдан ойлауды дамытуға ықпал ететін бірлескен оқу, кері байланыс және өзін-өзі түзету принциптеріне ерекше көңіл бөлінеді. Мақалада  осы әдісті оқу тәжірибесіне енгізуге арналған педагогика және лингводидактика саласындағы заманауи зерттеулерге талдау жасалған.