Мақаланың тақырыбы стилистикамен, белгілі бір коммуникативті қызметті орындауға және белгілі бір әсерге бағытталған өзара байланысты әрі өзара тәуелді, үйлестірілген тілдік құралдар жүйесіне қатысты. Бұл мақаланың өзектілігі оның, түпнұсқа тілден аударма тілге аударуға ғана емес, аудармашының шеберлігіне де жауап беретін тілдің стилистикалық аспектісінде болуымен анықталады. Түпнұсқаны аудару, аудармашының стилистикалық құралдардың мағынасын бере алуына байланысты. Стилистикалық құралдардың қызметі – мәтінді безендіру, қуатты көрнекі бейне жасау. Мақаланың практикалық құндылығы аударма дағдыларын жетілдіруде және ағылшын тілін тереңірек меңгеруде; бұл зерттеуді стилистика сабақтарында және семинарларда, аударма теориясы мен тәжірибесі бойынша жұмыс дәптерлері мен оқулықтар құрастыру үшін пайдалануға болады. Мақаланың теориялық мәні де бар, бұл зерттеу жұмысы стилистикалық құралдар туралы білімді кеңейтуге және байытуға мүмкіндік береді,сонымен қатар көркем шығармаларды аударуға да көмектесе алады.