Зерттеу жұмысының мақсаты – туынды сөздердің лексикалық мағынасын талдауда ғылыми маңызды сөзжасамдық уәждеме терминдерінің анықтамасын талдау. Аталымдағы сөзжасамдық уәждеме, туынды сөздердің жасалу үдерісіндегі тілден тыс факторларды көрсете отырып, сөздердің мағына негізділігі айқындалады.

Ғылыми зерттеудің жаңалығы қазақ тіліндегі аталым бірліктердің сөзжасамдық үдерісін талдау әдістемесі ұсынылады. Сөздердің ішкі мағыналық құрылымдарының зерделеуде, лингвистикалық талдаулар жүргізуде маңызды болып табылатын әдістер беріледі. Зерттеу нәтижесінде сөздердің ішкі мағыналық құрылымының түзілуіне әсер ететін жағдайлар сипатталып, сөздердің жасалуы мен әлемнің тілдік бейнесін қазақ халқын ерекшелейтін фактор ретіндегі байланысы зерделенеді.

Лексикалық бірліктердің жасалуын антропоөлшемділік тұрғысынан тануда, сөздің таңбалануы мен оның мағынасы арасындағы байланысын анықтай білу сөздің уәжділігі түсінігі арқылы беріледі. Сөздің уәжділігін анықтау барысында, бұл аталымға негіз болып тұрған мағына қандай, ол мағына қаншалықты өзгеріске түсті, яғни сөз мағынасының уәжділігі синхронды түрде қолданыста таныла ма деген сұрақтар төңірегінде ізденеміз.

Сөздердің уәжділігі мәселесін қарастыруда, ішкі мағыналық құрылым, уәждеме, уәждемелік белгі ұғымдарына кеңінен тоқталып, олардың тіл біліміндегі зерттелуіне байланысты сұрақтар талданады