Ұлт - тіл - мәдениет контексіне байланысты сол тілде сөйлеушінің әлеміне ерекше көңіл бөлу тіл білімінің басқа да ғылымдармен тоғысуына әкелді. Осының нәтижесінде қазіргі тіл білімінде лингвистикалық зерттеулердің интеграциялық зерттеулердің интеграциялық сипаты қалыптасуда. Солардың ішінде тілді ұлттық ой-сана дүниетаным, мәдениет, тарих, этностық рухты бейнелейтін таңба ретінде қарастыратын лингвомәдениеттану саласы. «Этнолингвистика» деген атаудың құрамында тіл мәдениеттің сабақтастығы айқын көрініс табады. Қазақ тіл білімінің бастауында тұрған ғалым А.Байтұрсынұлының еңбектерін жаңа танымдық тұрғыдан зерделеп, бүгінгі жаңа парадигма аясында қарастырудың мәні зор. А.Байтұрсынұлының «Әдебиетанытқыш» еңбегінде ұлттық дүниетанымды айшықтайтын тілдік бірліктер көп кездеседі. Сондықтан ғалым мұрасының этнолингвистикалық сипатын талдап, ашу жұмысымыздың өзектілігін айқындайды.