Мақала тілдік емес университеттердегі жалпы білім беру циклінің пәндерін оқытуда “Жазылым және ойлау” технологиясын қолдануға арналған. Соңғы онжылдықта заманауи білім беру процесі оқу-тәрбие ісінде де өзгеріске ұшыраған және оның тұтастай алғанда қазіргі қоғамның дамуындағы рөлі де түрленген. Өнер, ғылым мен модель бойынша білім беру әлеуметтік-мәдени, коммуникативті және құндылық-мағыналық құзыреттіліктің толық спектріне ие болуға тиісті университет түлектеріне қойылатын заманауи талаптарға сай келеді. Оқытудың бұл моделі оқу ақпаратын дәстүрлі түрде таратушы ретінде ғана біржақты қабылданған оқытушының да рөлін өзгертеді. Білім беруге қатысты мұндай тәсілде мәтінмен жұмыс істеу негізгі орынды иеленеді. Көбіне мұндай мәтіндер оқулықтар мен оқу-әдістемелік құралдардың параграфтары болмайды, керісінше мәтіндер– бастапқы дереккөздер (зерттелетін тақырып бойынша авторлардың мақалалары, деректі бастапқы көздер және т.б.) болып табылады