Ағылшын тілінен енген сөздердің қазақстандық жастардың мәдениеті мен сөйлеуіне әсері тірі құрылым болғандықтан, шет тілдерден енген сөздер арқылы тіл үнемі даму үстінде болады. Бұл үдерісті тоқтату мүмкін емес. Жастарға ана тілінде бекітілген өрнектерді қолданудан гөрі, ағылшын тіліндегі танымал сөздерді қолданып, ойлары мен сезімдерін жеткізу жеңілірек. Мұның бәрі ақпараттық ағындардың ұлғаюы, «ғаламтор» секілді ғаламдық компьютерлік желінің пайда болуы, әлемдік экономикалық нарықтың, халықаралық туризм және мәдени байланыстардың дамуы нәтижесінде орын алады.

Қазіргі таңда кірме сөздерді тілдердің өзара әрекеттесуінің көрінісі ретінде зерттеу тіл білімінің өзекті мәселесі. Сол себепті отандық және шетелдік ғалымдар осы мәселені өз зерттеу нысандарына айналдырған.

Ағылшын тілі күнделікті өмірде шетелдік сөздерді белсенді қолданатын қазақстандық жастардың өмірінде үлкен рөл атқарады. Олардың пікірінше, ағылшын сөздері әдемі және сәнді. Шетелдік сөздерді пайдалану тарихи және мәдени факторларға ғана емес, сонымен бірге бұқаралық ақпарат құралдарының жетілуіне де әсер етуші тілдік байланыстардың салдары болып табылады. Мақала ағылшын енген сөздерінің қазақстандық жастардың мәдениеті мен сөйлеуіне әсер ету ерекшеліктерін анықтауға арналған.