Тілдік коммуникация парадигмасына жататын айтылым әрекеті сөздің эмоционалдық-экспрессивтік реңкін жеткізе отырып, адамның ой-толғамын баяндауда көркемдік рөл атқарады. Біздің халқымыз ауызша сөйлеуге, ойды әсерлі, түсінікті жеткізе білу өнеріне айырықша мән берген. Қазақтың ауызекі сөйлеу стилі, ауызша сөйлеу табиғаты, шешендік өнері қай кезде де көркемдігімен, сөз саптау ерекшелігімен көзге түскен. Бұл мәселелер айтылым әрекетінің ауызша сөйлеу процесінде сөз арқылы көрініс табады.

Мақалада айтылым үдерісінің сөзге қатысты ерекшеліктері теориялық және прагматикалық тұрғыдан қарастырылады. Негізгі мақсат - сөзді қатысымдық бірлік ретінде тануға арқау болатын концептуалдық-семантикалық мәселелерді талдау.

Айтылым процесіндегі ауызша сөйлеу актісінің екі жақты сипаты, коммуниканттардың ойды жеткізу тәсілдері, тілдік норманы қолдану амалдары күн тәртібіндегі өзекті проблемаға жатады.