Кез келген тілдің морфологиялық құрылымы сөздің құрамы мен сөзтұлғаның құрылымын зерттеумен тікелей байланысты. Ал, тілдің морфологиялық құрылымын анықтау деген сөз – сол тілдің қасиетін, ішкі мән-­мазмұнын, өзге тілдермен салыстырғандағы басты ерекшелігін айқындау деген сөз. Бұл тілдің қазіргі синхрониялық құрылымы мен оның тарихи дамуының морфонематикалық ерекшеліктерін зерделеумен де тығыз байланысты. Морфемалар тіліміздің құрылыс материалдары сияқты.Ондағы түбірлер мен негіздер, туынды сөздер және тағы басқа тіл бірліктері, ішкі жүйені құрайды. Морфологиялық жүйе көптеген грамматикалық категориялардың, бір-­біріне оппозицияда тұратын тұлғалардың жиынтығы. Бұл жердегі морфологияны зерттеу дегеніміз – тілдік жүйенің негізін, құрылысын зерттеу деген сөз. Мақалада профессор Мархаббат Томановтың еңбектеріндегі морфологиялық тұлғалардың тарихи дамуы туралы сөз етіледі.