Бұл зерттеу қазақстандық педагогикалық жоғары оқу орындарының ресми сайттарында ұсынылған “Университеттуралы” бөлімініңдискурстық талдауы болып табылады. Соңғы уақытта орын алған білім реформаларына байланысты педагогикалық университеттер өзгерістерге сай болу үшін өзіндік ұйымдық ерекшеліктерін қайта сипаттап жазуға мәжбүр болды. Бұл зерттеу педагогикалық университеттердіңұйымдық ерекешліктерін, олардың веб-сайттарында жариялаған мәтіндік ақпарат негізінде дискурс талдау жасайды. Зерттеу барысында Қазақстандағы 7 мамандандырылған, ірі педагогикалық университеттер талданды. Зерттеу нәтижелері көрсеткендей, жоғары оқу орындары өзіндік ерекшеліктерін көрсету үшін көп сын есімдер пайдаланады, жәнесын есімдердің номинациялануыкең қолданылады, бұл ұйымдардың ең жақсы қасиеттерді айқындап көрсетуіне себепкер болады. Университеттер арасында тағы бір ортақ нәрсе, олардың барлығы классикалық білім мен қазіргі білім беру жүйесінің арасындағы айқын айырмашылықтарды айқындап, екеуін де қабылдауға ұмтылатындарын көрсеткен.