Мақалада ұлттық рухты жаңғыртып, ұлттық әдебиет пен мәдениетті тану мен таныту мақсатында қазақ этнографиялық әңгімелеріндегі этномәдени ақпаратты оқытудың кейбір мәселелері зерттеледі. Әңгімелердің тақырыптық жүйесі нақтыланып, мәтін талдау арқылы инновациялық әдіс-тәсілдер қолданылады, танымдық тұрғыдан қарастырылады. Этнографиялық әңгімелердегі көркемдік ізденістер жүйеленеді, құрылымдық-семантикалық, салыстырмалы талдау жасалынып, шығармалардың көркемдік-эстетикалық табиғаты анықталады. Этнографиялық әңгімелердегі этномәдени ақпараттарды оқыту нәтижесінде білім алушыларға ұлттық құндылықтар қалыптастыру барысы сөз болады.

Мақалада этномәдени ақпараттың негізін құрайтын ұлттың тілі, ұлттың рухани құндылығы, ұлттың мәдени коды, ұлттың мәдени танымы, санасы, ұлттың салт-дәстүрі әңгімелерде қалай көрініс тапқандығын көрсетеді, ондағы ақпараттың берілуін, сақталуын нақтылайды. Әңгіме авторларының этномәдени ақпараттарды беруде дәлдікпен сол кезеңдегі қазақ халқының басына келген шындықтарды біріктіре оқырманына бере алғандығын көрсетеді. Сонымен бірге этномәдени ақпараттарды оқытуда заманауи технологиялардың тиімділігін саралайды.