Бұл мақалада жаңартылған білім беру мазмұны бойынша оқыту мен оқудың қазіргі заманғы әдістерін таңдау, оны қалай тиімді пайдалану қажеттілігіне баса назар аударылып, қазақ әдебиеті пәнінен мектепте өтілетін прозалық шығармалар жайында сөз етіледі. Сондай-ақ көркем шығармаларды тиімді әдіс-тәсілдермен оқыту арқылы оқушылардың сын тұрғысынан ойлауын да дамыту мәселесі қарастырылады. Оқушыларға прозалық туындыларды оқытуда «аялдай отырып оқу», «АПФ» дебат әдісі, кубизм, кешкі жаңалықтар, т.б. әдіс-тәсілдерді қалай қолдануға болатындығы және бұлардың қай сыныптарда қолданған тиімді екендігі толық қамтылған. Ең тиімді әдістерді саралағанда да қазақ әдебиеті сабағында мәтінмен жүмыс жасау мәселесі алдымен назарға ілінуі керек-ті. Прозалық шығармаларды мәтіннен мысалдар келтіре отырып жаңаша әдістермен оқыту арқылы оқушылардың оқу мақсаттарын орындаудағы қалыпты дағдыларын қалыптастыратыны да зерделенген.