Зерттеудің мақсаты жаңалықтарды таңдау кезінде, сондай-ақ тұлғаның тұрақты дамуын (физикалық, психологиялық/эмоционалдық, әлеуметтік және зияткерлік тұрақтылық) ынталандыруға әртүрлі тақырыптық бағыттағы жаңалықтардың тигізетін әсерін анықтау кезінде Қазақстан халқының әртүрлі әлеуметтік санаттарын қызықтыратын әлеуметтік маңызды тақырыптарды айқындап алу болды. Зерттеу 2 кезеңде жүргізілді: біріншісі қазақстандық медиакеңістіктің тақырыптық құрылымын анықтау; екіншісі – бірінші кезеңде анықталған әртүрлі тақырыптардың тұлғаның тұрақты дамуының әртүрлі компоненттеріне әсерін зерттеу. Жұмыс қазақстандық жаңалықтар мәтіндерінің қалыптасқан корпусында жүргізілді. Тақырыптық модельдеу осы тақырыптарды жақсы сипаттайтын 10 сөз түрінде негізгі 200 тақырыпты қалыптастыруға мүмкіндік берді. Зерттеу нәтижелері бойынша тұлғаның тұрақты дамуына әсер етудің ең жоғары дәрежесін көрсететін тақырыптар анықталды.