Мақалада ескі түркі тілдерінің маманы, қыпшақтанудың білгірі, профессор Әбжан Құрышжанұлының «Кодекс Куманикус» жазба ескерткішін зерттеу еңбектері қарастырылып, құман қыпшақтарының тілінде жазылған жазба ескерткіш ретінде танылған мұралар лингвохронологиялық, соның ішінде библиографиялық аспектіде қарастырылды. Қыпшақтардың орта ғасырда қыпшақ бірлестігі ғана емес, мемлекеттік тіл мәртебесіне ие болғанының ғылыми дәлелдері ғалымның әрбір еңбегінен көрініс тапқан. Түркі халықтарының этностық мәдениеті мен дүниетанымында қыпшақтану саласының қалыптасуына негіз болатын нақты тілдік фактілерді келтіре отырып жазған ғалымның ғылыми мақалалары мен ірі-ірі еңбектері осы саланың қазақтанудың орта ғасырдағы көрініс кейпін анықтауға негіз болады. Құман жазба ескерткішінің тілін зерделей келе, оның жиілік сөздігін құрастырып ұсынуы, ғылыми практикада басқа ескерткіштерді зерделеуде ерекше үлгі.