Мақалада Сәкен Жүнісовтің «Өткен күндер белгісі» повесіндегі соғыс кезіңі, қазақ ауылының тұрмыс-тіршілігі, қарапайым жандардың қаракеттері бейнеленген. Повесте қазақ баласының дүниетанымын, ой-өрісін, психологиясындағы қазақы нанымды жеткізеді. Жазушы кейіпкерлері тағдыр-тауқыметіне қарамастан, төзімділік пен қайсарлық танытады. Автор олардың жан-дүниесіндегі өзгерістерді психолгиялық тұрғыдан дәлелдеуге ұмтылғандығы туралы сөз болады. Мақаланың өзектілігі кубизм әдісі арқылы шығарманың композициялық құрылысын талдау. Бұл әдіс шығарманың мазмұнын талдай отырып, негізгі тақырыбы мен идеясын тану, студенттерді адамгершілікке тәрбиелеу жолдарын ашу, олардың өзіндік көзқарастарын қалыптастырға бағытталады. Шығарманың композициялық құрылысын талдауда, өзара әңгімелесу, пікірлесу әдісін қолданғанда дұрыс. Атап айтқандай, бұл әдістер студенттердің өзара ара қатынастарын нығайтуға, өз беттерінше шығарманы талдауға, өз ойларын еркін жеткізуге, шығармадағы кейіпкерлердің ерекшеліктерін анықтауға көмектеседі.