Мақалада автор Жұмабай Шаштайұлының “Жаңғырық” пен “Аяз би” романдарындағы заман және замандас бейнесіне тоқталып, шығармадағы сол кезеңнің көркем бейнелуіне және композициялық құрылысына назар аударған. Ғылыми мақалада көркемдік компоненттердің шығармада қолданылу әдістерін айқындау үшін романдардан нақты мысалдар келтірілген.

Автор мақалада көркемдік шешімге тоқтала отырып, уақыт пен кеңістік категориясын алға шығарады және кейіпкерлер бейнесіне бүгінгі күн тұрғысынан баға беруге тырысқан. Зерттеу нысанына алынған Ж.Шаштайұлының“Жаңғырық” пен “Аяз би” романдарын талдау барысында зерттеуші мәселені түрлі көркемдік аспектіде қарастырады. Кеңестік дәуір мен тәуелсіздіктен кейінгі кезеңдегі қазақ әдебиетіндегі идеялық-көркемдік ұстанымдардың аражігін ажыратып көрсетуге күш салады.

Зерттеу объектісі ретінде қарастырған шығармаларды автор әдебиеттануда басты орын алатын уақыт пен кеңістік категориясы негізінде сараптайды.