Мақалаға қазақ әдебиеттану ғылымының көрнекті өкілі, қазақ прозасында өзгеше қалам тартқан жазушы, сыншы - Мырзабек Дүйсеновтің шығармашылығы арқау болған. Әңгіме, повесть, роман тәрізді әдеби жанрларға қалам тербеген жазушы өмір бойы күнделік жазуды дағдыға айналдырған. Автор қаламгер шығармаларының ерекше қырларына тоқталып, күнделік-эсселерінің көркемдік, тақырыптық өзгешеліктеріне талдау жасайды. Танымал тұлғалар Әзілхан Нұршайықов, Рахманқұл Бердібаев, Тұрсынбек Кәкішев арасындағы достық, рухани, шығармашылық қарым-қатынастардың мән-маңызы ашылады..

Мақалада жазушы өмір сүрген ортадағы оқиғалар мен куә болған жайттар, танымал тұлғалар өмірі, ғылым, әдебиет, мәдениет мәселелері де қарастырылған. Қарымды қаламгердің тарихи-танымдық деректерге құрылған жазбаларының оқырман үшін құнды дүние екендігі жайында тұжырымдар жасалады.