Мақала қаламгер Салман Рушдидің «Түн қойнауындағы балалар» атты романында көрініс тапқан «Мұрын және Тізе» концептісін когнитивті лингвистика және әдебиеттану ғылымы тұрғысынан саралауға арналған. Мақалада «Мұрын және Тізе» концептісі түн балаларының сиқырлы қабілеттерінің символы ретінде берілген және бұл концепт өз кезегінде роман персонаждарымен тығыз байланысты болып келеді. «Мұрын мен Тізе» - «Салим мен Шиваның» бейнесі, ол роман желісінде өзара сабақтастықта көрінетін жарату мен қирату, құрбандық пен жеңімпаз, өзара келісім мен жоққа шығару, сенім мен кішіпейілділіктің негізгі белгілері болып табылады.

Салим мен Шива арасындағы үлкен тартыс ежелгі мифологияда көрініс тапқан әлемдегі шығармашылық иелері мен қиратушы күштердің арасындағы жойқын соғысты бейнелейді. Бас кейіпкерлердің арасындағы бұл қастандық пен ымырасыздық олар дүниеге келген сәтінен басталғандығы белгілі.