Қазақтың көркем әдебиеті – қазақ ұлтының рухани мәдениетінің біртұтас жүйесі боп табылса, ал оның негізгі қабатын өлке әдебиеті құрайтыны анық Мақалада әдеби өлкетану мәселесі, оның даму барысы қарастырылған. Әдеби өлкетану тарихындағы ақын-жазушылардың шығармашылығы, оның ішінде Сағат Әбдуғалиев поэзиясындағы мәңгілік адамзаттық құндылықтар зерделенген. Ақын поэзиясының өзіндік стильдік ерекшелігі, ізденісі, поэтикасы кеңінен зерделеніп, шығармашылығы екі кезеңге бөлініп талданған. Сонымен бірге аталған мақалада ақын қолданысындағы көркемдеуіш-бейнелеуіш құралдарының жасалу табиғаты, оның өлең сөзге әр берудегі амал-тәсілі сараланған. Халықтың тіл байлығын, сөздік лексиконын жаңғырта, жаңарта, соны образ жасай өрнектеген ақынның шеберлік машығы да осы мақалада тексеріс көзіне алынған.