Ә. Кекілбаев прозасы қақтығыстардың өткірлігі, кейіпкердің жеке басына тән сөйлеу сипатымен ерекшеленеді. Жазушы пьесада прозасына тән осы сипаттарды күшейтпесе бір мысқал түсірмейді. Пьесадағы драмалық өнердің заңдылықтарына сәйкес психологиялық-драмалық аспект күшейтілді. Адамдардың сезімдерінде, ойларында, іс-әрекетіндегі бұлқыныс, тағат таптырмас динамика - «Абылай хан» пьесасындағы басты мәселе. Мақалада белгілі жазушы Әбіш Кекілбаевтың драмалық шығармасындағытартыс, қақтығыс табиғаты талданады. Сонымен қатар мақалада қазақ әдебиеті үшін шешуші түйін болып табылатын мәселелер қарастырылған. Кейіпкерлер болмысы, олардың қайраткерлігі шешім қабылдаудағы ерекшелігі мәселелері қозғалған. Драматургтің образдар жасаудағы өзіндік ерекшеліктері мен тәжірибелері қамтылған. Ә.Кекілбаевтың пьесаларында авторлық ұстаным ашық және айқын көрінбейді. Ол шығарма мазмұнынан аңғарылады. Мақала авторы тартысты, қақтығысты жағдаяттарды жазушы шеберлігі тұрғысынан суреттеу тәсілдеріне талдаулар жасайды.