Бұл мақалада Аннетт М.Б. Микиннің “A Ribbon of Iron” (1901) атты травелогындағы қазақ даласының репрезентациясы қарастырылады. Бұл еңбек ХХ ғасырдың басындағы Сібір туралы ағылшын әйел авторларының алғашқы еңбектерінің қатарынан орын алады. Зерттеу Микиннің баяндауын Ихэтуань көтерілісі мен Благовещенскідегі қырғын сияқты саяси оқиғалар контексінде қарастырады және оның Омбы мен маңайын сипаттауы қазақ даласын империялық шеткері аймақ ретінде қалай бейнелегенін талдайды. Ерекше назар Микин «қырғыздар» деп атаған қазақтардың этнографиялық сипаттамаларына аударылады: киіз үйлер, қымыз, атқа міну мәдениеті, киім үлгілері – барлығы ориенталистік категорияларда эстетикалық тұрғыда әсемделіп көрсетіледі. Сондай-ақ мақалада делдал тұлғалардың – еврей тұрғындарының, неміс қоныстанушыларының, орыс шенеуніктерінің – қазақ өміріне жол ашудағы рөлі айқындалады. Имагологиялық және постколониялық тәсілдерді қолдана отырып, зерттеу еуропалық травелогтар Сібірді иерархия, екіұштылық және империялық шиеленіс белгілеген көпэтносты «байланыс аймағы» ретінде Батыс дискурсына енгізгенін дәлелдейді.