Мақала авторлары Қазақстанда қашықтықтан оқыту жүйесінің қалыптасу тарихына тоқталады. Қашықтықтан оқытудың әр түрін (формаларын) және Қазақстан мен басқа елдерде оны оқыту жүйесіне ендірудің ерекшеліктерін қарастырады. Мақалада авторлар қашықтықтан білім беру жағдайында өнер университетінде орыс тілін оқыту әдістемесін сипаттайды. Сонымен қатар өз іс-тәжірибелерімен бөліседі. Авторлар орыс тілі сабақтарындағы студенттердің өзіндік жұмысын, мәтін алдындағы, мәтінмен және мәтіннен кейінгі тапсырмаларын негізгі мысал ретінде қарастыра отырып, кредиттік оқыту технологиясы жағдайында қашықтықтан оқытуды жүзеге асыруды баяндайды. Авторлар қашықтықтан оқыту технологиялары білім алушы мен оқытушының тікелей байланысын қамтамасыз етеді деген қорытындыға келеді. Қашықтықтан оқыту – ЖОО-дағы білім беру қызметінің бір тәсілі. Университетте тілдерді оқыту үдерісіндегі ең тиімдісі қашықтан оқыту технологиясын күндізгі оқу нысанымен біріктіру болып табылады.