Мақалада әр лексикалық топта кездесетін дублеттердің көбінің пайда болуы мен қолданысқа енуінің іздерін ХХ ғасыр басындағы «Қазақ» газеті мәтіндерінен, сол тұстағы зиялылардың жазбаларынан табуға болатыны нақты мысалдармен көрсетілді. Сонымен қатар «Қазақ» газетіндегі араб-парсы сөздерінің қазіргі қазақ тіліндегі лексикалық, фонетикалық дублеттердің, жарыспалы қолданыстардың негізінде жатуы  алғышарттарының бірі ретінде осы газетті тануға мүмкіндік береді. Ал ХХ ғасыр басындағы кірме сөздердің басым бөлігінің жазылуы қазіргі қазақ тіліндегі жазылуынан бөлек болды. Сондықтан жазудағы айырмашылықтарды анық байқау үшін келтірілген мысалдарда сол кездің жазу ерекшелігі ішінара сақталды, осылайша тілдік фактілерді салыстыруға мүмкіндік жасалды.