Мақалада компьютерлік лингвистиканың бір саласы – қолданбалы лексикографияның даму динамикасына назар аударылған. Лексикография саласында еңбек еткен ғалымдардың еңбектеріне шолу жасалып, сан тарап пікірлеріне талдау жасалды. Интернет және технология салаларының дамуына байланысты лексикография саласы да жаңа бағыт бойынша даму алды. Компьютерлік лексикографияның жаңа саласы, жалқы есімдердің сөздік түзу тәжірибесін қарастыратын қолданбалы ономографияның теориясы мен практикасы жайлы кеңінен талданады. Сондай-ақ, автор мақалада электронды сөздік немесе компьютерлік сөздік деп аталатын сөздіктердің жаңа түрлерін талдап, жалқы есімдерге арналған “аtau.kz”, машиналық аударма саласындағы “sozdik.kz” сайттарының құрылымына тоқталып, жетістіктері мен болашағы жайлы баяндайды. Шетелдік сөздік түзу тәжірибесін негізге ала отырып зертейді.